25

"Tangga gaji?"

Kawan dari Sang Mantan tanya. 'Apa du?' Baru-baru ini kawan kerja bawa pigi interview dengan tangga gaji dalam USD. Info interview juga saya kasi sebar di Sang Mantan. Rupa-rupanya interview untuk kerja cruise. Alamak. Tiada saya pigi. 😩

Sekarang masih on-going hantar resume dimana-mana. Interview balik-balik kana panggil tapi panggilan kerja masih belum ber-rezeki. Rezeki saya masih di TPSH. Bha tiapalah. Sambil-sambil tunggu bha. Masih lagi dengan soalan yang sama setiap minggu.

"Kenapa kau tiamau permanent?"

Kadang-kadang ada juga soalan yang tidak cliche seperti,

"Why, very thin ah you..."

"You lost weight?"

"Are you eating properly?"

Sara Joseph paling rajin tanya ini. Alamak. Poket kurus, badan pun kurus makin-makin. Work hard ka? Entahlah. Kadang-kadang mau makan pun malas. Bukan juga puasa. 😎

Duit poket dalam 2 minggu sekali dapat. Earned, urang putih bilang. Adalah dalam RM200-RM300 begitu. Pakai bikin lari ada lagi tinggal a quarter, urang putih bilang. A quarter bikin gugu galas, bikin makan Borenos, bikin Teh Ping Nipis etc. 2 minggu sekali rezeki RM50 dari daddy. Bikin jadi duit makan. Macamana mau bili Quechua Forclaz 50 begini? Macamana mau tarik J5 begini? 😂😂😂

Nasib ada dollar. Sekarang dengan duit poket begitu masih saya bulih hidup. Hidup untuk sekarang. Tapi untuk bulan depan? 😨

Ini bulan mungkin last month untuk hidup macam sekarang. Next month saya mau bayar 'A-loan-g'. Saya mau bayar minyak. Jadi ada kerja malam? Part time tia dapat tulung sudah dii. Baru saya pikir-pikir mau birthday present apa di hujung bulan nanti. Satu kali, dapat birthday present yang begini. Kekeke.

"Congratulations!"

Mommy bilang.

Hi 25, semoga kau lebih matang dan fokus pada hidup. Cukup-cukuplah kau grumpy overloaded. Tiada masa untuk pikir apa kebikinan urang sama kau. Biar. Pologoson. Kasi Tuhan seja urus. Hati pun mau maju juga. 😊